‘இல்லம் தேடி கல்வி’ திட்ட சிறப்பு பணிக்கு ஐ.ஏ.எஸ். அதிகாரி நியமனம் தமிழக அரசு உத்தரவு

இல்லம் தேடி கல்வி’ திட்ட சிறப்பு பணிக்கு ஐ.ஏ.எஸ். அதிகாரியை நியமித்து தமிழக அரசு உத்தரவு பிறப்பித்துள்ளது. இதுகுறித்து தமிழக அரசின் தலைமை செயலாளர் வெ.இறையன்பு வெளியிட்டுள்ள உத்தரவில் கூறியிருப்பதாவது:- 

 ‘இல்லம் தேடி கல்வி’ திட்ட சிறப்பு பணி திருப்பூர் மாவட்டம் தாராபுரம் சப்-கலெக்டர் ஆனந்த் மோகன், கோவை வணிக வரிகள் இணை கமிஷனராக (மாநில வரிகள்) மாற்றப்பட்டுள்ளார். கோவை வணிக வரிகள் இணை கமிஷனர் (மாநில வரிகள்) ஐ.எஸ்.மெர்சி ரம்யா, சென்னை வணிக வரிகள் இணை கமிஷனராக (நுண்ணறிவு பிரிவு-1) மாற்றப்பட்டு உள்ளார். 

 தமிழ்நாடு நகர்ப்புற வாழ்விட மேம்பாட்டு வாரிய இணை மேலாண்மை இயக்குனர் மற்றும் திட்ட இயக்குனர் கே.இளம்பகவத், ‘இல்லம் தேடி கல்வி’ திட்டத்தின் சிறப்பு பணி அதிகாரியாக (பள்ளிக்கல்வி ஆணையர் அலுவலகம்) மாற்றப்பட்டு உள்ளார். புதுக்கோட்டை சப்-கலெக்டர் எஸ்.பாலசந்தர், மின் ஆளுமை இணை இயக்குனராக இடமாற்றம் செய்யப்பட்டு உள்ளார். 

அவர் தமிழ்நாடு மின் ஆளுமை முகமையின் இணை தலைமை செயல் அதிகாரியாகவும் செயல்படுவார். ‘சிப்காட்’ நிறுவன செயல் இயக்குனராக... ஓசூர் சப்-கலெக்டர் நிஷாந்த் கிருஷ்ணா ‘சிப்காட்’ நிறுவன செயல் இயக்குனராக நியமிக்கப்பட்டு உள்ளார். ஊட்டி சப்-கலெக்டர் மோனிகா ராணா, ஊட்டி மலை பகுதி மேம்பாட்டு திட்ட இயக்குனராக மாற்றப்பட்டார். 

 நெல்லை மாவட்டம் சேரன்மகாதேவி சப்-கலெக்டர் வி.சிவகிருஷ்ணமூர்த்தி தமிழ்நாடு நகர்ப்புற வாழ்விட மேம்பாட்டு வாரிய இணை மேலாண்மை இயக்குனர் மற்றும் திட்ட இயக்குனராக இடமாற்றம் செய்யப்பட்டார். இவ்வாறு அதில் கூறப்பட்டுள்ளது.